Напярэдадні святочнай школьнай лінейкі лідскія актывісты БУНТ'у правялі акцыю супраць новаўвядзеннняў у сістэму сярэдняй адукацыі.

Каля лідскіх школаў з'явіліся графіці "Рэформа адукацыі - здзек з моладзі!", "Хачу ва ўніверсітэт, а не на завод!", "Не - падвойнаму выпуску!" і іншыя.

Фотаздымкі

Мінулымі днямі магілёўскія актывісты БУНТ'у правялі акцыю - расклеілі па горадзе ўлёткі з выяваю і асабістымі прыкметамі Галоўнага Падазраванага ў выбуху 3-4 ліпеня ў Менску "па версіі моладзі", заклікаючы ўсіх, каму вядомы пазначаны на фота чалавек, паведамляць у Магілёўскую міліцыю. Цікава, што мужчына на фотаздымку вельмі падобны на прэзідэнта Беларусі.

Фотаздымкі

Сёння ў Менску актывісты БУНТ’у правялі акцыю супраць расейскай інтэрвенцыі на тэрыторыю Грузіі.

Каля амбасады Грузіі ў Беларусі была праведзена акцыя салідарнасці з грузінскім народам. Маладзёны трымалі ў руках расцяжку “Грузія, мы з табой! Russians, GO HOME!”, а таксама грузінскі сцяг. У амбасаду Грузіі быў перададзены ліст са словамі падтрымкі.

Фотаздымкі

А 12-й ранку каля амбасады Расеі ў Літве прайшоў пікет супраць расейскай інтэрвенцыі. Удзельнікі акцыі трымалі ў руках грузінскія, літоўскія і беларускія сцягі, плакаты і расцяжкі з лозунгамі "Спынім расейскую агрэсію!", "Belarus with Georgia! Russians, go home!", "No war!", "Russia is not peacekeeper but piecekeeper" і іншыя.

У акцыі прынялі ўдзел прадстаўнікі грузінскай дыяспары, літоўская моладзь, высокапастаўленыя палітыкі, а таксама беларусы - актывісты руху супраціву БУНТ.

Фотаздымкі

Сябры! Як вядома, у інтэрнэце пачалася акцыя «Запалі свечку за Тыбет». яе ініцыятары заклікаюць выказаць салідарнасць з Тыбетам, запаліўшы свечку 7 жніўня а 21:00 (па мясцовым часе). акцыя прымеркаваная да пачатку 29-ых летніх Алімпійскіх гульняў, што пройдуць у Пекіне.

Прапануем беларускім інтэрнэтчыкам далучыцца да акцыі салідарнасці, паставіўшы сабе ў дзённікі наступны малюнак:

Учора ў Берасці моладзевыя актывісты зладзілі чарговую акцыю - на вышцы пры ўездзе ў горад быў вывешаны бел-чырвона-белы сьцяг.

На працягу трох дзён: 26, 27 й 29 ліпеня ў горадзе вывешвалася нацыянальная сымболіка. Хваля актыўнасці моладзевых структураў прысвечана святкаванню Дня Незалежнасці.

Фотаздымкі

Учора ў Бабруйску актывісты руху “БУНТ” правялі сьвяточную акцыю “Паўнагадовая Беларусь - Час Быць Самастойнымі!”.

На ўездзе ў горад, на мосце, актывістамі быў замацаваны бел-чырвона-белы сцяг. Пад час вывешчання сцягу кіроўцы аўтамабіляў сігналілі ў падтрымку.

Таксама былі распаўсюджаны ўлёткі і налепкі з віншаваннем.

Фотаздымкі

18 гадоў таму, 27 ліпеня 1990 г., была прынятая Дэклярацыя аб дзяржаўным суверэнітэце Беларусі. Гэта другая па значнасці дата ў сучаснай гісторыі Беларусі пасля 25 сакавіка 1918 г., калі была абвешчана незалежнасьць Беларускай Народнай Рэспублікі.

Прайшло 18 год. Вырасла цэлае пакаленне беларусаў. Аднагодкаў незалежнай дзяржавы.

Сёння ў Вільні адбылася акцыя салідарнасці з затрыманымі актывістамі апазіцыі па справе аб выбуху 4-га ліпеня ў Менску.

Ля амбасады Беларусі маладыя людзі, сярод якіх былі актывісты БУНТ'у, МФ і студэнцкага аб'яднання ЕГУ "Студальянс", зладзілі перфоманс. Маладзёны, пераапранутыя ў супрацоўнікаў КДБ, "затрымалівалі" і "абшуквалі" студэнтаў, які трымалі дома пустыя пачкі ад соку, падручнікі па хіміі, гайкі і балты.

Фотаздымкі

На Кастрычніцкай плошчы ў Менску была разагнаная акцыя з патрабаваньнем вызваліць актывістаў апазыцыі, арыштаваных пасьля выбуху 4 ліпеня.

У 18.00 каля 50-ці прадстаўнікоў палітычных партый і рухаў сабраліся на Кастрычніцкай плошчы на знак пратэсту супраць узмацненьня рэпрэсій у дачыненьні да дэмакратычных актывістаў.

Фотаздымкі

Хутка выбары, і шэдэўры БТ вылятаюць з хуткасцю ракеты. У новай "Панараме" сюжэт пра апазіцыйную моладзь, якая "косіць" ад войска. Сасім, Вячорка, Каліта, Корбан ды іншыя - прычыну адкосу кожнага раскладваюць па паліцах. У сітуацыі "алкаголіка Корбана" БТшнікі, насуперак заканадаўству РБ, здымаюць яго асабістую медыцынскую справу. Іншага ад іх чакаць не прыходзілася, а вось Алег з лёгкасцю мог бы падаць у суд і выйграць справу. Выйграць - у любой цывілізаванай краіне...

Актывісты моладзевага руху супраціву БУНТ выказваюць шчырыя спачуванні пацярпелым у выніку выбуху ў ноч на 4 ліпеня падчас святкавання афіцыйнага Дня Незалежнасці ў Менску.

Мы заяўляем, што катэгарычна асуджаем дзеянні тых, хто здзейсніў гэты жахлівы тэракт і рашуча выступаем супраць любых гвалтоўных дзеянняў.

Сёння каля 12:30 у Берасці падчас распаўсюду друкаванай прадукцыі аб Еўрапейскім Звязе быў затрыманы актывіст БУНТ'у Іван Стасюк. Да суда Іван будзе знаходзіцца ў ІЧЗ Ленінскага РАУСа г. Брэста. Гэта ўжо яго трэцяе затрыманне на працягу месяца, таму хутчэй за ўсё суддзя вынясе пакаранне ў выглядзе арышту.

Сам суд адбудзецца заўтра, 30 чэрвеня, у 9:30 раніцы па адрасе: вул.Леванеўскага, дом 1. Заклікаем усіх неабыякавых падыходзіць падтрымаць Івана.

Акцыя супраць ментаўскога самавольства адбылася ўчора ў Берасці. Моладзевыя актывісты выйшлі на адну з самых ажыўленых вуліц горада і разгарнулі расцяжку “"Живой щит: ГАИ оправдали, потерпевших обвинили".

Маладзёны прастаялі каля 20 хвілінаў, пасля чаго патруль міліцыі затрымаў двух удзельнікаў акцыі - актывіста БУНТ'у Івана Стасюка і актывіста "Еўрапейскай Беларусі" Яўгена Скрабца.

Фотаздымкі

Расцяжка з такім тэкстам з'явілася ўчора на адным з мастоў Горадні.

Такім чынам гарадзенскія студэнты адзначылі паўгады са дня адмены ільгот для самых малазабяспечаных слаёў насельніцтва і нагадалі людзям, што ўлада ў пошуках сродкаў на сваё далейшае існаванне не спыніцца не перад чым, і наступнай "ахвярай" улады можа стаць кожны.

Фотаздымкі

Учора вечарам у Берасці адбылася традыцыйная акцыя Салідарнасці. Яна праходзіла ў цэнтры горада, на перакрыжаванні праспектаў Машэрава і Касманаўтаў. Удзельнікі стаялі ў ланцугу і трымалі ў руках партрэты палітвязняў.

Міліцыя, таксама традыцыйна, выконвала месячны план па лоўлі злачынцаў: падчас акцыі былі затрыманыя 4 актывісты БУНТу.